Gjatë nazizmit ishin tregtarët gjermanë që shfaqnin mbishkrime kundër hebrenjve: “Ndalohet hyrja për hebrenjtë dhe qentë”.
Historia përsëritet dhe në një dyqan në Xheriko, në Cisjordani është shfaqur një mbishkrim i ngjashëm, këtë herë i vendosur nga një palestinez. “Ndalohet hyrja për qentë dhe amerikanët”.
Në një intervistë në televizionin izraelit Canale 10, pronari palestinez i dyqanit e ka motivuar reagimin e tij kundër vendimit të Trump, që nuk ka pasur të drejtë për të bërë “një zgjedhje të tillë”, duke iu referuar njoftimit të Shtëpisë së Bardhë për ta shpallur Jeruzalemin si kryeqytetin e ri dhe ekskluziv të shtetit izraelit.
“Al-Quds (Jeruzalem) – ka shtuar tregtari, i cituar nga mediat – është kryeqyteti i Palestinës”. Më pas burri tha se nuk ka vepruar kështu për motive raciste. “Është populli amerikan që ka zgjedhur Trumpin dhe sipas meje janë të të njëjtit brum, ndaj edhe ata do ta vuajnë këtë zgjedhje”.
