Autoritetet doganore greke kanë njoftuar palën shqiptare se për shkak të kushteve të vështira të motit, në territorin Grek nuk do të lejohet qarkullimi i mjeteve të tonazhit të rëndë.
Në njoftimin zyrtar nuk bëhet e ditur data se kur do të rifillojnë sërish mjetet e tonazhit të rëndë të hyjnë në territorin grek, teksa theksohet se një masë e tillë është marrë për shkak të kushteve meteorologjike.
Ndërkohë që automjetet e tjera do te lejohet të qarkullojnë vetëm me zinxhirë.
Njoftimi i drejtorisë Vendore te Kufirit dhe Migracionit Gjirokastër
Autoritetet e Policisë greke, në bazë të një njoftimi që i kanë dërguar Policisë Kufitare Kakavije, sqarojnë se për shkak të kushteve të vështira të motit, në territorin Grek nuk do të lejohet qarkullimi i mjeteve të tonazhit të rëndë për një hark kohor deri në përmirësimin e kushteve të motit. Ndërkohë do të lejohet qarkullimi i autoveturave vetëm me zhinxhirë.
Policia Kufitare e Kakavije iu bën thirrje të gjithë drejtuesve të mjeteve të tonazhit të rëndë që duan të udhëtojnë drejt Greqisë, që të shmangin udhëtimin deri në përmiresim të kushteve të motit.
Duke ju falënderuar për bashkëpunimin./Opinion.al
