Një 72 vjeçar është ndaluar nga policia e Fierit ditën e martë pasi akuzohet për ngacmim seksual të dy vajzave të mitura.
Kanë qenë prindrit e dy vajzave ata që kanë bërë kallëzimin në komisariatin e qytetit, ku kanë denoncuar se 72-vjeçari V. Sh., ka kryer vepra të turpshme dhe ka ngacmuar seksualisht vajzat e tyre.
“Specialistët për Hetimin e Krimeve të Komisariatit të Policisë Fier ndaluan shtetasin V. Sh., 72 vjeç, banues në Fier, pasi ditën e djeshme, kanë bërë kallëzim në Komisariatin e Fierit, prindërit e dy shtetaseve të mitura se 72-vjeçari ka kryer vepra të turpshme dhe ka ngacmuar seksualisht vajzat e tyre”-njofton policia.
