Presidentja e Kosovës, Vjosa Osmani ka reaguar pas ndalimit të qytetarëve të Kosovës nga autoritetet serbe dhe nuk janë lejuar të qarkullojnë për disa orë në kufirin Serbi-Kroaci dhe Serbi-Hungari.
Me anë të një postimi në platformën “X”, Osmani shprehet se Serbia po hakmerret pas votimit të Këshillit të Evropës.
Gjithashtu ajo thenkson se përgjegjës për këtë ngjarje është vetëm Vuçiç.
Postimi i presidentes Osmani:
“Serbia po hakmerret ndaj qytetarëve të Kosovës, një ditë pas votimit të Këshillit të Evropës në APKE (Asambleja Parlamentare e Këshillit të Evropës), duke mbajtur peng shumë prej tyre në pikat kufitare, duke i frikësuar, konfiskuar dokumente dhe duke i privuar nga ushqimi. Një njeri është përgjegjës për këtë: Vuçiç. Ashtu siç bëra gjatë gjithë ditës, u bëj thirrje partnerëve tanë për veprim të shpejtë”, ka shkruar Osmani në X
