Lajmi se ish-deputeti Eduart Ndocaj është ndaluar nga policia e Durrësit qarkulloi në media vetëm pak minuta më parë. “Kaubojsi” ishte shpallur në kërkim nga Sektori i Krimit Ekonomik të Policisë së Lezhës, pasi akuzohet se nëpërmjet mashtrimit, i ka vjedhur një shtetasi italian në Itali, shumën prej 78.000 € duke i premtuar një tender për shtrimin e një gazsjellësi në Shqipëri. Megjithatë GSH.al ka mundur të mësojë nga burime pranë Ndocajt se ish-deputet nuk është ndaluar dhe se aktualisht është duke udhëtuar drejt Italisë.
“Është çështje civile në Itali dhe policia ka tentuar ta ndalojë, por pas pranisë së avokatit është lënë i lirë dhe aktualisht ai po udhëton drejt Italisë”, ka thënë miku tij për GSH.al. Më tej kemi mundur të mësojmë se për Ndocaj nuk ka urdhër prokurorie. “Shtetasi italian ka bërë denoncim të rremë dhe për këtë arsye e ka denoncuar edhe Ndocaj sot, ajo makinë është për shkak të marrëdhënieve të punës dhe nuk është e vjedhur. Është një proces civil në Itali, shtetasi italian ka bërë denoncim në Lezhë. Policia pa bërë verifikime ka futur në sistem Eduartin, por pa urdhër prokurorie. Është tentuar të ndalohet, por në praninë të dokumentave që posedon dhe avokatit është lënë i lirë”, ka thën miku tij. Duket se kjo çështje do të vijojë sapo ish-deputeti të mbërrijë në Itali.
NJOFTIMI I POLICISE
Më datë 09.10.2017, në PKK Port, Durrës, u kap shtetasi në kërkim E.N, vjeç 42, banues në Manati Lezhë, pasi dyshohet se nëpërmjet mashtrimit në Itali, i ka vjedhur një shtetasi italian nje shume eurosh. Ne perfundim te veprimeve te kryera nga D.V.P Lezhe ndaj shtetasit E.N u referuan materialet ne Prokurori dhe ndiqet ne gjendje te lire per vepren penale parashikuar nga neni 143/2 i Kodit Penal.
