Një ditë pas arrestimit, tre të rinjtë e akuzuar si bashkëpunëtorë në atentatin ndaj Ferdinand Polias kanë mohuar akuzat. Vëllezërit Gilbert dhe Kleandro Toma, 26 vjeç dhe 29 vjeç, si dhe 20-vjeçari Alfred Martini, sipas policisë kanë mbështetur me logjistikë dhe armatim, si dhe kanë organizuar vrasjen e Polias.
Por para efektivëve të Shkodrës ata mësohet se nuk kanë pranuar të flasin. Të arrestuarit kanë mohuar akuzat dhe kanë kërkuar avokat mbrojtës.
Si autor të dyshuar të vrasjes së 35-vjeçarit Polia, policia ka shpallur në kërkim një 27-vjeçar, për të cilin ka dhënë vetëm iniciale K.S. Ky i fundit dyshohet se është larguar nga Shqipëria menjëherë pas ngjarjes.
Ferdinand Polia, i njohur ndryshe edhe si ‘Nardi i Bujtinave’, u ekzekutua me armë më 20 Mars në fshatin Grudë të Shkodrës. Motivet e kësaj ngjarjeje mbeten ende të panjohura./Opinion.al
