Historiani i njohur, Arben Puton është ndarë nga jeta sot në moshën 92-vjeçare. Profesori i njohur i të Drejtës Ndërkombëtare në Universitetin e Tiranës që nga hapja e tij deri në vitin 1990, ka publikuar disa vepra historike ku veçohen ato për Enver Hoxhën dhe Fan Nolin.
Puto, mësimet parauniversitare i kreu në Liceun francez të Korçës (1935-1939), në Liceun francez dhe Liceun klasik në Romë. Mori pjesë në LANÇ, fillimisht në Gjirokastër pastaj në Tiranë. Arsimin e ndërprerë e përfundoi pas çlirimit në gjimnazin e “Tiranës” sot gjimnazi “Qemal Stafa” më 1946.
Studimet e larta i kreu në Moskë në Fakultetin e Drejtësisë dhe i përfundoi më 1951 në degën e së Drejtës Ndërkombëtare Publike. Me hapjen e UT-së më 1957 punoi si pedagog deri më 1990. Ka bërë shpjegimin e disa termave të shkencës e të teknikës për hartuesit e Fjalorit të gjuhës shqipe të botuar në Tiranë më 1980.
