Është ndarë nga jeta në moshën 53-vjeçare, ish-futbollisti i famshëm i kombëtares serbe, e disa ekipeve në Itali, Sinisa Mihajlović, pasi vuante prej kohësh nga leucemia.
Ai u diagnostikua me sëmundjen e rëndë më 13 korrik të vitit 2019. Ai nuk u dorëzua në asnjë moment dhe vijoi punën e tij si trajner i skuadrës së Bologna-s. Fillimisht arriti ta mposhtte sëmundjen pas trajtimeve të vazhdueshme, por ajo iu rikthye sërish në mars të vitit 2022.
Megjithatë, ai besoi se mund ta linte pas dhe vijoi punën te Bologna, ku u shkarkua në muajin shtator pas nisjes së dobët të Serie A.
Në karrierën e tij të artë, Mihajlović ka luajtur me Roma-n, Sampdoria-n, Lazio-n dhe Inter-n.
