Fabrizio Frizzi ndërroi jetë në spitalin Sant’Andrea në Romë, pas një hemorragjie cerebrale. Njoftimi për vdekjen e tij u dha nga gruaja e tij Carlotta, vëllai i tij Fabio dhe familja e tij: “Faleminderit Fabrizio për gjithë dashurinë që na keni dhënë”.
Ndëesa RAI duke përcjellë lajmin tragjik shkruan:“Me Fabrizion ikën dhe një pjesë e jona , e historisë sonë, e jetës sonë të përditshme”.
60 vjeçari Fabrizio Frizzi pësoi ishemi më 23 tetor të viti të shkuar gjatë regjistrimit të një episodi të programit “L’Eredità”.
Gazetari dhe moderatori ishte një nga figurat më të dashura të publikut italian.
Fabrizio Frizzi bëri debutimin e tij të parë në moshën 20 vjeçare në Rai me televizionin e djemve në emisionin me “Il barattolo” në vitin 1980. Nga “Scommettiamo che” në “Europa Europa”, nga “Luna Park” në maratonën bamirëse “Telethon” u bë një nga fytyrat më të njohura dhe më të dashura të RaiUno-s. Frizzi gjithashtu ka qenë edhe dublues i filmave të animuar.
