Rajoni

Ndahet nga jeta biznesmeni shqiptar, Enver Maliqi


Bëhu pjesë e Grupit Zyrtar të Opinion.al
>> KËTU <<
               Publikuar në : 16:54 - 01/12/20 |
Opi Nion

Biznesmeni dhe nënkryetari i parë shqiptar i qytetit të Shkupit, Enver Maliqi ka ndërruar jetë ditën e sotme. Lajmin e kanë bërë të zyrtarët e lartë dhe politikanë të shtetit të Maqedonisë së Veriut dhe Kosovës.

Në një reagim në facebook, kryetari i BDI, Ali Ahmeti, shkruan se Enveri Maliqi do të kujtohet si një atdhetar dhe humanist në vend dhe në rajon.

“Me pikëllim të thellë e mora lajmin për ndarjen nga jeta të mikut, bashkëpunëtorit, humanistit dhe afaristit të mirënjohur shqiptar z. Enver Maliqi, nënkryetar i parë shqiptar i qytetit të Shkupit.

Enveri çdoherë do të mbetet në kujtimet tona si një atdhetar dhe humanist i madh i cili me veprat e veta ke lënë shumë gjurmë në vend dhe në rajon. Ngushëllime të sinqerta familjes Maliqi dhe të gjithë miqve, bashkëndjej me ju. U prehsh në paqe Xhaxh!” shkruan Ali Ahmeti në facebook.

Në zgjedhjet lokale të vitit 2017, Maliqi u zgjodh anëtar i Këshillit të Qytetit të Shkupit nga radhët e Bashkimit Demokratik për Integrim (BDI), ndërsa më pas u emërua zv/kryetar i Qytetit të Shkupit nga ana e kryetarit Petre Shilegov.

Para se të bëhej pjesë e politikës, Maliqi ka qenë i njohur si një biznesmen i suksesshëm në Maqedoninë e Veriut dhe vendet e rajonit./ Opinion.al

Pas