Presidenti Ilir Meta ka shprehur ngushëllime për ndarjen nga jeta të , “artistes së merituar”, Valentina Caci.
Në mesazhin e publikuar në “Facebook”, Meta shprehet se artistja e cila u nda nga jeta në moshën 83-vjeçare, la pas një trashëgimi të vyer në teatër e kinematografi.
Presidenti e mbyll mesazhin e duke u shprehur; “e paharruar do të mbetesh e madhja Valentinë!”
Mesazhi Metës
Me trishtim mësova lajmin e hidhur të ndarjes nga jeta të aktores sonë të mirënjohur, “Artistes së Merituar” Valentina Caci.
Me rolet dhe personazhet karakteristike, të luajtura me aq talent dhe mjeshtëri të rrallë, në skenë, dhe veçanërisht në film, Valentina Caci fitoi simpatinë dhe u duartrokit me meritë nga shumë breza, duke na lënë pas një trashëgimi të vyer në teatër e kinematografi.
Duke ndarë dhimbjen e thellë për humbjen e kësaj artisteje të madhe, i përcjell ngushëllimet më të sinqerta të afërmve dhe bashkëpunëtorëve të saj, si edhe të gjithë artdashësve shqiptarë. E paharruar do të mbetesh e madhja Valentinë!/ Opinion.al E.Xh.
