Lideri i opozitës ruse, Aleksei Navalni konfirmoi raportet se kancelarja gjermane, Angela Merkel e ka vizituar atë gjatë kohës që ai ishte i shtruar në Berlin ku u trajtua për helmimin me Noviçok.
“Ka pasur një takim, por nuk duhet të quhet sekret”, shkroi Navalny të hënën në Twitter, duke iu referuar raporteve të mediave se Merkel ka bërë një vizitë të pazbuluar në spitalin Charite të Berlinit, ku Navalny ka kaluar 32 ditë.
“Ka qenë një vizitë private dhe bisedë me familjen”, tha Navalny.
Zëdhënësi i Merkelit, Stefen Seibert, konfirmoi në një konferencë shtypi se ka qenë një “vizitë personale” dhe nuk dha detaje të tjera.
Komentet vijnë një ditë pasi revista gjermane “Der Spiegel” ka raportuar se Merkel i ka bërë një vizitë “sekrete” Navalnit kur ai ka qenë në spital.
“Der Spiegel” nuk e ka specifikuar datën e vizitës apo atë që është diskutuar.
Navalni është liruar nga spitali javën e kaluar, por vazhdon të mbetet në Gjermani./ Opinion.al
