Sekretari i Përgjithshëm i NATO-s, Jens Stoltenberg ka folur në një konferencë shtypi në Bruksel. Ai ka thënë për ngjarjet në Rusi se tani po shohim një brutalitet në përmasat dhe shtrirjen e luftës që nuk e kemi parë në Evropë që nga Lufta e Dytë Botërore.
“Ajo që ne shohim tani është një brutalitet në përmasat dhe shtrirjen e luftës që nuk e kemi parë në Evropë që nga Lufta e Dytë Botërore,Dhe kjo është jashtëzakonisht serioze. Është e tmerrshme dhe sigurisht që shkakton vuajtje për popullin ukrainas”-tha ai.
“Por është gjithashtu e rrezikshme për të gjithë ne. Dhe ne shohim natyrën e luftës së Presidentit Putin, mungesën e respektit të tij për sundimin e ligjit, për rregullat ndërkombëtare dhe gjithashtu mungesën e respektit të tij për të drejtat themelore të njeriut.”
Ai shtoi se Moska nuk po heq dorë nga ofensiva e saj në Ukrainë, por do të përpiqet të ripërqendrohet në marrjen e plotë të rajonit të Donbasit në javët e ardhshme.
“Ne shohim tani një lëvizje të konsiderueshme të trupave (ruse) larg Kievit për t’u rigrupuar, riarmatosur dhe rifurnizuar dhe për të zhvendosur fokusin e tyre në lindje,” tha ai.
“Në javët e ardhshme, ne presim një shtytje të mëtejshme ruse në Ukrainën lindore dhe jugore për të provuar të marrë të gjithë Donbasin dhe për të krijuar një urë tokësore për në Krimenë e pushtuar”-tha Stoltenberg./Opinion.al
