Në bazën e NATO-s “Camp Arena” në Herat të Afganistanit është ulur flamuri në gjysmë shtizë për të nderuar major Klodian Tanushin, i cili ndërroi jetë në një spital në Letoni katër ditë pasi mbeti i plagosur në incidentin e 6 majit, ku si pasojë e shpërthimit të një mine humbi jetën edhe nëtetarja Zarife Hasanaj.
Dita e premte u shpall ditë zi kombëtare, pasi iu dha lamtumira nëtetares Zarife Hasanaj. Major Klodian Tanushi la pas tre fëmijë dhe bashkëshorten e tij, ndërsa mesazhe ngushëllimi janë përcjelle edhe nga figurat kryesore në politikën shqiptare, që nga Presidenti Ilir Meta, Kryetari i Kuvendit Gramoz Ruçi, kryetari i opozitës Lulzim Basha dhe ish-kryeministri Sali Berisha.
Major Klodian Tanushi u dërgua në Letoni më 20.12.2018 me mision në Operacionin Ushtarak të NATO-s në Riga, në përbërje të Grup-batalionit kanadez me detyrë Komandant i Kontigjentit shqiptar dhe përfaqësues i lartë ushtarak, ndërsa kohëzgjatja e misionit të tij ishte gjashtë muaj./Opinion.al
