Anëtarët e NATO-s kanë rënë dakord të forcojnë mbështetjen për Ukrainën, tha Jens Stoltenberg, Sekretari i Përgjithshëm i aleancës ushtarake.
Ai foli pas një takimi të NATO-s në të cilin Ukraina bëri thirrje për më shumë armë.
Stoltenberg u pyet nëse NATO po përshpejton dërgimin e armëve në Ukrainë për të ndihmuar në përgatitjen e vendit për një ofensivë të pritshme nga Rusia në Donbasin lindor.
Ai tha se NATO ka ofruar mbështetje të konsiderueshme me pajisje dhe ka trajnuar dhjetëra mijëra forca ukrainase gjatë viteve, përpara pushtimit të Rusisë më 24 shkurt, dhe që atëherë është dhënë ndihmë e mëtejshme.
Ministri i Jashtëm i Ukrainës ka thënë se vendi i tij ka nevojë urgjente për më shumë armë nga aleatët e tij perëndimorë për t’u mbrojtur kundër Rusisë.
“Aleatët po ofrojnë dhe janë të gatshëm të bëjnë më shumë kur bëhet fjalë për mbështetjen ushtarake”,-tha Stoltenberg./Opinion.al
