Agjencia amerikane e Hapësirës, NASA, ka nisur të enjten një mision në Mars, përmes së cilit do të dërgojë një pajisje në këtë planet për të kërkuar nëse ka ndonjë fosil.
Ky mision kërkon të dërgojë në Mars pajisjen e pestë për kërkime bashkë me një dron, njëherësh i pari i dërguar në një tjetër planet.
Anija kozmike amerikane është nisur në Florida dhe nëse gjithçka shkon sipas planit, pajisja e ashtuquajtur Perseverance (Këmbëngulja) do të arrijë në Planetin e Kuq më 18 shkurt të vitit 2021.
Misioni kryesor i robotit Këmbëngulja, do jenë kërkimet nëse ka pasur shenja të jetesës së zhvilluar dikur atje.
“Ka një arsye përse e quajmë robotin Këmbëngulja. Sepse vajtja në Mars është e vështirë”, ka thënë administratori i NASA-s, Jim Bridenstine pak para nisjes.
“Është gjithmonë e vështirë. Nuk është kurrë e lehtë. Në këtë rast është më e vështirë se kurrë më parë sepse jemi duke vepruar në mes të pandemisë”, ka shtuar ai./Opinion.al
