Dy ditë më parë, nëpër portale qarkulloi një listë te e cila shfaqeshin emrat e disa deputetëve të Kuvendit, dhe pasuritë përkatëse. Në këto lista figuronte edhe emri i Nard Ndokës, ku shkruhej se deputeti kishte një pasuri prej 900.000 eurosh. Kjo ka zgjuar edhe reagimin e Ndokës, i cili me anë të një statusi të gjatë në Facebook, është revoltuar me mediat duke i përgënjeshturar. Me doza ironie Ndoka është shprehur se e kanë futur në sherr me djemtë.
Statusi i plotë:
Këto portalet tona i ka kapur virusi i klikimeve, si “sëmundje ngjitëse”: shpif apo gabon njëri portal dhe i referohen të gjithë të tjerët!
Pa standarde, pa rregulla, pa vërtetësi, pa konfirmim, pa asnjë burim; jo më me dy burime sipas rregullit bazë të gazetarisë!
Unë deklaroj 900 euro në llogari bankare; njeri portal e bën 900 mijë euro, tjetri shkruan mbi 900 mije euro, të tjerët e bëjnë lajmin me “copi 5”.
Kur kërkon një sqarim, apo përgënjeshtrim, të përgjigjën: “jemi referuar një lajmi te X portali”, që në fakt është anonim!
Si fillim, me armiqësuan me tre djemtë e mij; “pse mor babo shkojmë e punojmë kamajera në Maltë ne, kur paske mbi 900 mijë euro në bankë?
Pastaj plasën telefonat dhe sms-të; njëri kërkonte borxh, tjetri më shkruante; pse smë paske treguar!
Një nga zona elektorale më tha: “Pse nuk na dhe asnjë euro në fushate për vota, mbasi paske mbi dy milion euro?!
Hajde portale hajde; me një kërkim mund ta vërtetoni saktësisht në faqen zyrtare të ILDKPKI-së, me një sms mund të merrni konfirmim edhe nga une.
Nga 900 euro ne 900.000, janë tre zero më shumë, si veshtirë për tu shkruar gabim, apo ngatërruar!
Aq më tepër se shkruhet saktësisht; se Nard Ndoka ka deklaruar vetë mbi 900 mijë euro!
Gjithsesi fjala e juaj në veshin e qeverisë!
