Skuadra e Napolit ka shfaqur interes për të marrë Igli Taren si drejtor sportiv të skuadrës.
Disa portale napoletane kanë shkruar se Igli Tare është një nga objektivat kryesorë të presidentit të kaltërve, De Laurentis, për tu emëruar si drejtor sportiv.
Tare ka një kontratë me skuadrën e Lazios deri në fund të këtij sezoni.
Ndërkohë drejtori sportiv i Napolit, Cristiano Guintoli ka menduar të largohet dhe vendin e tij mund ta marrë Tare.
Mes Napolit dhe Igli Tares ka pasur kontakte muajin e kaluar, por shqiptari ka thënë se ka prioritet vetëm Lazion.
Presidenti i Napolit, De Laurentis ka thënë se këtë verë pritet të ketë largime të shumta, mes tyre edhe emra të mëdhenj.
