Roma ka humbur një nga betejat e rëndësishme për pjesëmarrje në Champions League vitin e ardhshëm, pasi është mundur 1-4 në “Olimpico” nga Napoli, i cili në këtë fitore të rëndësishme kishte në formacion edhe mbrojtësin e Kombëtares kuqezi Elseid Hysaj.
Ndeshja më e rëndësishme për javën e 29 të Serie A, mes verdhekuqve dhe napolitanëve u mbyll në barazim 1-1 në pjesën e parë të ndeshjes. Milik realizoi që në nisjen e ndeshjes, ndërsa në minutat e shtesës së pjesës së parë, Perotti barazoi rezultatin, teksa ktheu në gol një 11-metërsh.
Por pjesa e dytë i takoi e gjitha Napolit. Të besuarit e Ancelottit arritën të shënojnë edhe 3 gola të tjerë, nga Mertes, Verdi dhe Younes duke i dhënë një goditje të rëndë objektivit të Romës për një vend në Champions League./Opinion.al
