Fatos Nano ka dhënë një videomesazh në 30-vjetorin e krijimit të Partisë Socialiste, ndërsa po mbahet Kongresi i kësaj partie.
Ndërsa ka shprehur gëzim për mandatin e tretë të socialistëve, Nano ka shprehur qartë mbështetjen e tij për Ramën.
“Ky është një përvjetor që na jep krenari. Në 3 dekada kemi ruajtur traditat më të mira duke u përballur me sfidat e zhvillimit. Jemi e forca e vetme që mendon botërisht dhe vepron lokalisht.
Ne ditëm të formonim lidershipe të reja. Përshëndetje Edi, ta kalojmë stafetën nga etërit tek bijtë duke mbajtur pararojë të shoqërisë shqiptre.
Natyrshëm jemi infektuar nga sëmundjet e politikës së tranzicionit por i kemi bërë ballë. Sprova jonë e vitalitetit dhe e sfidës ndaj kohës kur jo të gjithë ndryshojnë për mirë është fitorja e mandatit të tretë rradhazi.
Jam gëzuar për fitoren e mandatit të tretë. Le të vazhdojmë reformat për zhvillimin ekonomik, zbatimin e ligjit dhe luftën kundër korrupsionit. Askush nuk mund ta përmbushë këtë mision. Unë kam besim se me Edi Ramën dhe bekimin e Zotit do ta përmbushim këtë mision historik. Rrofshi dhe qëllofshi në shenjë” – tha Nano./Opinion.al
