Shefja e Infektivit, Najada Çomo ka denoncuar ditën e sotme një 32-vjeçare nga Berati pasi, sipas saj e shqetësonte për ditë të tëra në telefon përmes thirrjeve dhe mesazheve.
Sipas Çomos, telefonuesja prej dyjavësh e shqtësonte në numrin e saj të telefonit duke e fyer në mënyrë të vazhdueshme, gjë që ka detyruar mjeken që të paraqitet për denoncim në polici.
Pas denoncimit të bërë, Oficerët e Policisë Gjyqësorë kanë marrë në pyetje të renë.
Abcnews.al shkruan se e reja ka mohuar të ketë shqetësuar Çomon në telefon duke theksuar se në fakt kishte dashur të telefononte dikë tjetër.
Vajza shprehet gjithashtu se nuk e njeh shefen e Infektivit dhe se nuk ka patur qëllim ta shqetësonte atë./Opinion.al
