Fëmijët e Liridona dhe Naim Murselit ende nuk e dinë që babai i tyre i ka prositur vrasjen e nënës.
Babai i Naim Murselit ka rrëfyer në një intervistë në News 24, se ngjarjen dy djemve të çiftit do t’ua tregojë në prani të psikologëve dhe do jenë autoritetet suedeze që do të vendosin se kush do të kujdeset për ta.
“Ende nuk e dinë çfarë ka ndodhur, dua që ta dinë në prani të psikologëve. Janë organet që do të vendosin se çdo të ndodhë me ta, por do jenë nën kujdesit im dhe të bashkëshortes. Nuk janë regjistruar në Kosovë.
Mendoj se bashkarisht kanë vendosur të vijnë në Kosovë, ajo ishte e lumtur që u kthyer në Kosovë”, tha ai.
Dy djemtë të moshës 4 dhe 6 vjeç ishin në makinë mbrëmjen e krimit, më 29 nëntor, kur babai i tyre i mori nga automjeti në momentin që Granit Plava u doli përpara me armë duke e lënë nënën e tyre në dorë të ekzekutorit.
Dyshohet se Naim Murseli porositi vrasjen e Liridonës për 30 mijë euro. Në marrëveshjen e rënë dakord me Granit Plavën, ai mësohet se i ka dhënë paraprakisht 15 mijë euro dhe pjesën tjetër do t’ia jepte më vonë.
Ai e inskenoi ngjarjen si grabitje.
