Rreth 200 naftëtarë të Ballshit dhe Fierit marshuan dje drejt Tiranës. Ata mbërritën në kryeqytet në orët e mbrëmjes, ndërsa mësohet se gjatë natës kanë fjetur në makina private të aktivistëve që po i mbështesin.
Pretendohet se atyre u është bërë presion i vazhdueshëm nga forcat e rendit dhe Prefekti i Fierit në rrugë për t’u kthyer mbrapsht, por ata kanë rezistuar dhe nuk kanë pranuar duke qene te vendosur që të cojnë deri ne fund protesten e tyre.
Naftëtarët kërkojnë: Marrja e pagave të prapambetura dhe rifillimin e punës.
Sot në orën 10:00, naftëtarët e Ballshit dhe Fierit do të protestojnë përballë Ministrisë së Energjitikës që drejtohet nga Damian Gjiknuri.
Kjo nuk është hera e parë që naftëtarët protestojnë për pagat. Edhe në Maj 2016 ata protestuan përballë parlamentit në Tiranë, por problemi i tyre ka mbetur ndër vite i pazgjidhur.
