Naftëtarët e Ballshit janë ngritur sot në protestë për mungesën e pagave prej disa muajsh. Ata kanë hyrë me forcë në ambjentet e rafinerisë, ku informohet se kanë mbërritur dhe forcat policore.
Pak pas grumbullimit, sikurse raporton abc news, nga forcat e policise është shoqëruar kryetari i Sindikates së Naftëtarëve të Bashkuar, që është liruar pak minuta më parë.
Kujtojmë se aktualisht puna në rafinerinë e Ballshit është ndalur, ndërkohë që punonjësit llogarisin disa paga të prapambetur, që nga koha kur rafineria ishte në funksionim./Opinion.al
