Naftëtarët e Ballshit vendosën të futen në grevë urie.
Ata u rikthyen sot përsëri në protestë, përpara uzinës dhe paralajmëruan se nëse nuk kishte zgjidhje konkrete, do e përshkallëzojnë demostratën në grevë urie.
I pari që është futur në grevë është Sokol Dautaj, kreu i Sindikatës se naftëtarëve të bashkuar. Në një deklaratë për mediat mëngjesin e sotëm ky i fundit tha se se e provuan zgjidhjen deri në Tiranë, por nuk i priti askush.
“E provuam zgjidhjen deri në Tiranë. Ne nuk na priti njeri. Ministrja u tregua shumë arrogante. Opsionet janë dhënë. Le ta mbyllet nëse nuk duan të filloj punë”, tha Dautaj.
Naftëtarët protestojnë, për mungesën e pagave të prapambetura dhe rifillimin e punës. Gjatë ketyrë ditëve ka pasur takime për të gjetur një marrëveshje por akoma nuk është dhënë asnjë zgjidhje konkrete./Opinion.al
