Nafta arriti nivelin më të lartë të tre javëve. Lehtësimi i fundit nga Kina, i kufizimeve të COVID-19 nxiti shpresat për një rikuperim të kërkesës për karburant.
Në bursën e Londrës nafta u rrit me 22 cent, ose 0.3%, në 84.14 dollarë për fuçi, ndërsa nafta në bursën amerikane u rrit 7 cent në 79.63 dollarë. Të dyja kanë kapur kështu shifrat më të larta që nga 5 Dhjetori.
“Kjo është sigurisht diçka që tregtarët dhe investitorët kanë shpresuar,” tha analisti i Avatrade Naeem Aslam për planin e Kinës mbi rregullin e karantinës.
Shqetësimi për një ulje të mundshme të prodhimit nga Rusia mbetet. Rusia mund të ulë prodhimin e naftës me 5% deri në 7% në fillim të vitit 2023, si një hakmarrje për sanksionet dhe çmimit tavan që vendosën vendet e BE-së. Për naftën, Bashkimi Evropian, vendet e G7 dhe Australia vendosën një kufi të çmimit prej 60 dollarë për fuçi nga 5 Dhjetori, përveç embargos së Bashkimit Evropian ndaj importeve të naftës së papërpunuar ruse nga deti.
Sipas ekspertëve një rritje i atribuohet edhe ndërprerjes së furnizimit për shkak të stuhisë dimërore në Shtetet e Bashkuara. Që nga e premtja e kaluar, rreth 1.5 milionë fuçi të kapacitetit ditor të rafinimit përgjatë bregut të Gjirit të SHBA-së u mbyllën, ndërsa prodhimi i naftës dhe gazit nga Dakota e Veriut në Teksas u ul./Klan News
