Banorët e zonës “5 majit”, Laprakës dhe Paskquanit kanë protestuar sot para zyrave të ARRSH, ku kanë kërkuar informacion nga ky institucion.
Banorët janë shprehur se projekti i Unazës ka pësuar disa devijime dhe nuk është i njëjti, i cil ishte projektuar në 1989 nga Adil Çarçani.
Banorët u kërkuan informacion punonjësve të ARRSH lidhur me ecurinë e punimeve. Njëri nga banorët, debatoi me punonjësin, të cilit i tha që më mirë t’i regjistrojnë për ushtarë në Ukrainë, sesa t’i trajtojnë në këtë mënyrë.
“Keni sjellë artilerinë e rendë. Ne duam që gjurma të shkoj në vend nuk gjejmë shtëpi më qira ndërsa janë më të shtrenjta se bonusi. Na regjistroni ushtarë në Ukrainë më mirë, se të na trajtoni kështu”,-u shpreh banori.
Sakaq, ARRSH është zotuar se nuk do të preket asnjë banesë pa informacionin konkret./Opinion.al
