Ditën e sotme janë regjistruar momente tensioni në bashkine e Kamzës, pasi Xhelal Mziu nuk ka pranuar t’i dorëzojë zyrën kyebashkiakut të ri Rakip Suli, i cili e mori këtë post nga zgjedhjet e 30 qershorit.
Kjo bërë që mbështetës të Partisë Socialiste të thyenin derën kryesore të bashkisë së Kamzës, duke mundësuar kështu hyrjen e kryebashkiakut, Rakip Suli. Lidhur më këto ngjarje ka reaguar Mziu, i cili përmes një postimi në “Facebook” tregon se kush ishin personat të cilët thyen derën e bashkisë.
Sipas tij, dera u thye nga Shefi i Komisariatit Nr. 5, Sali Skura dhe mbështetës të tjerë të Partisë Socialiste. Mziu shkruan në reagimin e tij se ngjarjet e sotme tregojnë qartë se si socialistët do të qeverisin Bashkinë e Kamzës.
“Vidhet forcerisht nga Socialistet, institucioni i Bashkise Kamez. Ne oren 16.05 minuta Keshilltaret qe u betuan se do te japin kontributin e tyre per te miratuar vendime te rendesishme per qytetaret e Kamzes, te ndihmuar nga militantet e Partise Socialiste dhe Personalisht nga Shefi i Komisariatit Nr.5 Sali Skura dhe ndihmesit e Tij thyen xhamat e deres se jashtme dhe duke shperthyer ate me force duke treguar se me cfare qeverisje lokale do te perfaqesohet qyteti i Kamzes”, shkruan Mziu./ Opinion.al E.Xh.
