Vetëm një ditë para zgjedhjeve të 11 Majit, deputeti i Partisë Demokratike, Xhelal Mziu ka akuzuar socialistët për blerje të votave.
Përmes një postimi në rrjete sociale, Mziu ka publikuar disa video ku shihen një grup personash teksa konfliktohen me njëri-tjetrin.
Sipas tij, një punonjës i Policisë Bashkiake në Bulqizë së bashku me disa mbështetës të PS kanë dalë sot në terren në fshatin Radovesh në Gollobordë Dibër, ku po shpërndajnë para në këmbim të votave.
“Rilindja në terren me administratën dhe grupet kriminale duke shpernda para në këmbim të votës!
Ndricim Sula punonjës i Policisë Bashkiake në Bulqizë, duke shpërndarë para në këmbim të votës në fshatin Radovesh në Gollobordë Dibër!
Janë dhunuar dy qytetarë që po i ndiqnin, nga punonjësi i policisë bashkiake dhe mbështetës të rilindjes së krimit.
Kjo është skenë krimi.
Ky është krim elektoral.
Ky është krim zgjedhor.
Kjo është skemë e organizuar me regji e krimit zgjedhor në qarkun Dibër!
Policia e shtetit, sistemi i drejtësisë, SPAK duhet të reagojnë, nuk mundet që bandat e krimit të përcaktojnë votën e qytetarëve.
Qytetarët më 11 maj do të votojnë të lrë dhe me zemër, i ftoj për pjesmarrje masive”, shkruan Mziu./Opinion.al
