Të shtënat me armë në një qendër tregtare të Mynihut, ka lënë disa të vdekur e dhjetra të tjerë të plagosur, sipas policisë.
Një operacion i madh i forcave speciale është organizuar për të shmagur çdo lloj rreziku tjetër.
Policia është duke paralajmëruar qytetarët që të qëndrojnë në shtëpi dhe të shmangin daljen e tyre në rrugë.
Mësohet se disa njerëz janë plagosur në qendrën tregtare, në lagjen Moosach në veri-perendim të Mynihut.
Raportohet se autor i sulmit mund të jetë vetëm një autor.
Disa punonjës, bëhet e ditur, se janë në gjendje për t’u larguar nga ndërtesa.
Deri në këto çaste nuk ka asnjë informacion në lidhje me arsyen e sulmit në qendrën tregtare.
Forcat e sigurisë kanë qenë në alarm, pak ditë më parë, plagosi pesë persona në një tren të hënën në Bavari.
Autoritetet kanë paralajmëruar se ekziston rreziku për sulme të mëtejshme.
Policia u ka bërë thirrje qytetarëve të mos shpërndajnë imazhe nga vendi i ngjarjes në rrjete sociale. Pasi i vinë në ndihmë autorit të krimit.
Një burrë që punon në një pikë karburanti, i tha BBC: “ Ne shohim vetëm autoambulanca, forca policie dhe zjarrfikëse, rrugët janë boshatisur, ndërsa e gjithë zona është evakuar”.
“Në rrugë nuk ka asnjë makinë që qarkullon, ato janë parkuar të gjitha anash rrugës. Kurse rrugët janë bllokuara të gjitha, nuk lejohet qarkullimi i asnjë automjeti. Njerëzit vihen re krejtësisht të frikësuar.”
Është bërë me dije se transporti publik është pezulluar pasi operacioni i sigurisë ende vazhdon.
