Në një ceremoni të zhvilluar këtë të shtunë në Vlorë, ku nisi punën Njësia Policore detare, Kryeministri Edi Rama u ndal edhe te masa e re e ndërrmarë nga qeveria që nuk lejon muzikën pas mesnatës.
Rama ka paralajmëruar masa të rrepa që nisin nga efektivët deri te drejtuesit të policisë së qarkut nëse kjo masë nuk zbatohet. Sipas kryeministrit masa e marrë do të jetë largim pa kthim nga Policia e Shtetit.
“Kompromiset, apo duart e shtrira për bashkishe për të lejuar zhurma pseudomuzike përtej afatit që i përkasin të shkuarës, bizneset të ndjehen në shtëpinë e tyre të patrazuar nga askush dhe asgjë, dhe asnjë të mos ndihet i fyer sepse atij i mbyllet muzika sipas rregullit, ndërsa atij tjetrit i lihet muzika kundër rregullit. I kam kërkuar drejtorit që për çdo rast masa ndaj drejtuesit të policisë së qarkut, shefit të komisariatit dhe atyre që mbulojnë zonën të jetë drastike, e menjëhershme të jetë largim pa kthim nga policia e shtetit. Duhet një qetësi, një rregull, një pastërti, një lehtësi të paharrueshme që të huajt që vijnë këtu të largohen me kujtimin se në Shqipëri gjetën atë që nuk e prisnin, respekt, siguri dhe mirësjellje nga Punonjësit e policisë së shtetit, të policisë rrugore, nga ato në territore”, tha Rama.
