Policia e Shtetit po vijon kontrollet për monitorimin e lokaleve që organizojnë mbrëmje me muzikë pas orarit të përcaktuar nga protokollet anti -covid.
Bëhet me dije se në vijim të kontrolleve, shërbimet e Policisë kanë konstatuar 2 subjekte që nuk kanë respektuar masat.
Sipas news 24, njëra nga lokalet është i reperit, Rigel Rojku, i njohur ndryshe si Noizy. Ndërsa personi tjetër i proceduar është Indrit Deti, administrator i një tjetër lokali.
Gjithashtu, për të 2 subjektet është vendosur masa administrative 1.000.000 lekë, për shkelje të orarit të përcaktuar në aktin normativ, për zhvillimin e aktiviteteve.
Ata janë proceduar penalisht për veprën penale “Prishja e qetësisë publike”
“Drejtoria Vendore e Policisë Durrës apelon për të gjithë administratorët dhe pronarët e lokaleve që të respektojnë masat anticovid dhe orarin e përcaktuar për ushtrimin e aktivitetit”, njofton policia./Opinion.al
