Kryeministri Edi Rama ka qenë sot në Fier në një aktivitet me gratë e këtij qarku, me rastin e 8 marsit. Në përfundim të fjalës së tij, ku ka vlerësuar rolin e gruas në shoqëri, kryeministri i ka ftuar që të kërcejnë në qendër të skenës. Ai ka marrë rolin e deejay-t duke nxitur gratë pjesëmarrëse që të vallëzojnë.
“Tani të gjitha gratë të vijnë këtu në qendër. Jo foto me mua, vallëzim. Ore vini muzikë, ka apo nuk ka muzikë?! Kujdes mos më shqyeni. Vallëzim, duart lart, jo foto vetëm vallëzim. Duart lart, lart, lart. Vallëzim, ashtu bravo! Kërceni!”, ka përsëritur disa herë Rama.
Megjithëse në shumicën e vendeve perëndimore 8 marsi shihet si një ditë sensibilizimi dhe proteste ku gratë kërkojnë më shumë të drejta dhe përfaqësim, në Fier shumë prej tyre kanë zgjedhur të kërcejnë “nën urdhrat” e një burri./Opinion.al
