Në qytetin e Memaliajt, prej një viti është hapur muzeu i Minatorit.
Një hapësirë e re që sjell në vëmendje dhe historinë dhe kujtimet e një prej profesioneve më të vështira dhe më të rëndësishme për zonën.
Muzeu është edhe një homazh për minatorët që kanë punuar në galeri.
“Janë të pasqyruara pjesë të objekteve të ndryshme që i përkasin kohës së minierës, dokumente të ndryshme historike të asaj kohe, qoftë e jeta sociale-kulturore që është zhvilluar ndër vite”, u shpreh Edmond Sala, përgjegjës i muzeut.
Tani puna është përqëndruar te pasurimi i muzeut.
“Të gjithë vizitorët habiten me vërtetësinë e këtyre dokumenteve. Kjo na motivon më shumë për ta pasqyruar me dokumente të tjera. Me bashkëpunimin e instancave të tjera, po përpiqemi të dalim në përfundimin e një projekti sa më të detajuar”, shtoi Sala.
Përveç ruajtjes së historisë, synohet edhe rritja e vizitueshmërisë, jo vetëm nga vizitorë vendas por edhe turistë të huaj.
Klan News
