Shkrimtari dhe ish-politikani, Besnik Mustafai, të martën, ka folur për librin e tij më të ri, i titulluar: Letrat e mia kredenciale.
Përgjatë një interviste me drejtuesin e emisionit “Opinion”, gazetarin Blendi Fevziu, Mustafoi tregoi për portretizimin që i ka bërë ish-kryeministrit Sali Berisha.
Ai u shpreh se për të, Berisha është një bonapartist në kuptimin e marrjes së vendimeve dhe shkuarjes së tyre deri në fund.
Ndërsa, tregoi edhe një nga defektet e ish-kryeministrit dhe sipas tij, ai është teprimi për të denigruar kundërshtarin.
Mustafaj: Për mua është një bonapartist, në kuptimin e marrjes së vendimeve për t’i shkuar deri në fund. Dhe qartësisë që ka për qëllimin ku do të arrijë. Unë tani nuk kam asnjë arsye subjektive të flas mirë dhe as keq për të, por për hir të së vërtetës unë i bëj këtë portretizim.
Për mua Berisha kishte një defekt, të cilin ja kam thënë disaherë, ai nuk e pranonte në bisedat personale që bënim. Por ai e tepronte në denigrimin e kundërshtarit, dmth, kishte një këmbëngulje për t’a denigruar kundërshtarin ç’ka e conte shpesh kundërshtarin me shpatulla për muri. Nga ana tjetër, ai mund të kthehej dhe reagimi i tij mund të ishte maksimal.
