Myslim Murrizi u përjashtua nga Partia Demokratike pasi refuzoi të dorëzonte mandatin e deputetit, një vendim ky unanim nga kjo forcë politike. Por në një intervistë televizive ai tha se veç tij do të ketë dhe njerëz të tjerë që do refuzojnë të dorëzojnë mandatin.
“Do të ketë pas meje dhe të tjerë që nuk do t’i binden këtij urdhri”, tha Myslim Murrizi. Sipas tij në krye të demokratëve të Lushnjës nuk e zgjodhi as Berisha as Basha, por e zgjodhën demokratët ë këtij qyteti për kontributin e tij.
“Nuk jam endacak politikan, por jam atje prej 4 janarit të 1991 dhe do jem vetëm atje derisa të jem në politikë. Nuk të lënë radhë të tjerët, mashtrojnë 4 vjet dhe ikin në një qark tjetër. Arrogance dhe komunistllëku brenda PD-së më dha mundësinë të provoj veten”./ G.F Opinion.al
