Deputeti Myslim Murrizi është shprehur se Zv.Drejtori i ri i Policisë së Shtetit ka një dosje për bashkëpunim me sigurimin e shtetit, gjatë diktaturës.
Përmes një publikimi në rrjetin Facebook, Murrizi ngre pikëpyetjet, nëse është Albert Dervishi bashkëpunëtor sigurimi me pseudonimin “Filtri”.
“Një pyetje publike për Genta Sulën, Simon Mirakën, Maringlen Kasmin dhe Altin Hoxhen si anëtarë të autoritetit të dosjeve të ish sigurimit te shtetit?? A ka qenë spiun sigurimi me pseudonim “FILTRI” Albert Dervishi qe sot është emëruar nga drejtori Ardi Veliu, zv. Drejtor i policise se Shtetit? ka nje vendim te komisionit Bezhani për këtë subjekt???? A ka dosje bashkëpunëtori( spiun) sigurimi me NR 11979 për Albert Dervishin tek palo autoritet? A ju ka kërkuar me shkrese drejtori Veliu apo ministri Lleshaj për të verifikuar pastërtinë e figurës së Albert Dervishit autoritetit Tuaj? Dhe një pyetje për vetë Ju Zj Genta, Z. Simon, Z. Maringlen dhe Z. Altin: po ju vetë a keni qenë spiunë të sigurimit të shtetit?”, shkruan Murrizi.
Më tej në shkrimin e tij, Murrizi shprehet se si deputet dhe anëtar i komisionit të sigurisë, ai do të kërkojë me informacion me shkrim nga autoriteti i dosjeve, lidhur me këtë fakt.
“Si deputet dhe antare i komisionit te sigurise dhe si nenkryetar i komisionit qe mbikeqyr vetingun ne polici ne baze te ligjit 8550 STATUSI I DEPUTETIT do te kerkoj informacion me shkrim menjëherë këtij palo autoriteti te mos informimit te dosjeve te ish- sigurimit te Shtetit. Edhe sot 30 vjet pas “përmbysjes” së komunizmit, spiunet e regjimit promovohen si ne politikë, në shtet, në qeveri e në administratë”, shkruan Murrizi ndërsa thotë se edhe gjatë 13 viteve që në pushtet ka qenë PD kurrë nuk u guxua të largoheshin bashkëshpunëtorët e sigurimit nga politika. /Opinion.al
