Është pezulluar nga Organizata Botërore e Shëndetit procesi i regjistrimit të vaksinës ruse të Sputnik-V për përdorim tek qytetarët.
OBSH argumenton se pezullimi është bërë deri në mbërritjen e disa të dhënave të munguara dhe procedurave ligjore.
“Ne po punojmë me Ministrinë Ruse të Shëndetësisë pothuajse çdo ditë për të adresuar çdo çështje të mbetur që duhet të plotësohet nga Fondi i Investimeve Direkte Ruse, ” tha Mariangela Simao, ndihmës drejtore e përgjithshme e OBSH-së në ilaçe dhe produkte shëndetësore.
Më herët, ministri rus i Shëndetësisë Mikhail Muraska ishte shprehur se pengesat për regjistrimin e vaksinës nga OBSH ishin tejkaluar dhe se vetëm disa procedura burokratike kishin mbetur për t’u përfunduar.
