Seriali britanik “Adolescence” është kthyer në një temë globale duke tronditur botën me subjektin që trajton. Një 13-vjeçare ekzekutohet me thikë nga bashkëmoshatari i saj pasi e bullizonte këtë të fundit. Ngjarja shihet nga këndvështrime të ndryshme, por tregon sesi prindërit nuk e dinë cili është fëmija i tyre, mësuesit janë të pafuqishëm ndërsa vetë adoleshenti nuk kupton dot pasojën e veprimit të tij.
Seriali ngre pikëpyetje mbi empatinë, edukimin emocional, ndikimin e rrjeteve sociale dhe komunikimin prind-fëmijë.
Gjatë diskutimit rreth tij në programin “Rudina” në Tv Klan, sociologu Gëzim Tushi theksoi se adoleshentët e sotëm janë “materie tjetër” pasi janë “produkt i kësaj kohe”. Ajo për të cilën ata kanë nevojë janë modelet e tjera.
Gëzim Tushi: Adoleshentët e sotëm kanë nevojë për figura të reja komunikative, empatike. Adoleshentët e sotëm nuk mund të komunikojnë. Adoleshentët e sotëm nuk shtypen, pikë, ta harrojnë ata që na dëgjojnë.
Më tej, sociologu shtoi se sot janë të nevojshëm dy elementë të rinj në komunikimin me adoleshentët që prindërit të shmangin rreziqet që u kanosen.
Gëzim Tushi: Mesazhi është ky, shoqëria ka nevojë për një prindërim të ri, atësi të re dhe bashkëshortësi të re. Dy gjëra që i mungojnë shoqërisë shqiptare në komunikim me adoleshentët, mund të ngjajnë si slogane këto të dyja që thashë. Atësi e re, prindërim i ri dhe bashkëshortësi e re do të thotë që duhet t’i shpëtojmë fëmijët nga kjo grackë e moshës së tyre, nga ky rrezik i moshës së tyre./tvklan.al
