Me dhjetra qytetarë, aktivistë të shoqërisë civile dhe aktivistë mjedisorë kanë protestuar sot në Parkun Rinia kundër vendimit të Këshillit Bashkiak Tiranë për ndërtimin e një parkimi nëntokësor në këtë zonë.
Me sloganet “Tirana mall tezge” dhe “Rini e betonizuar” qytetarët denoncuan vendimin si të pakonsultuar me komunitetin dhe me një mungesë transparence totale.
Për aktivistët e nismës “Mbro qytetin”, ky parking do të rrisë nivelin e ndotjes së Tiranës me disa herë, pasi makinat inkurajohen të vijnë drejt qendrës për parkim.
Analisti Fatos Lubonja tha se ky vendim “ka të bëjë me arrogancën, injorancën dhe korrupsionin”.
