“Qetësohuni, deri në nisjen e vitit shkollor, do ti keni tekstet”. Kështu deklaron Ministria e Arsimit e cila nuk ka mundur as këtë vit të shmangë vështirësitë për pajisjen me libra shkollorë. Kemi raportuar prej ditësh se mungojnë një sërë titujsh, për shkak se MAS nuk ka pajisur shtëpitë botuese me pullat e sigurisë. Në këto kushte prindërit kanë mbajtur radhë për orë të tëra për të mos ccuar fëmiëjt në shkollë pa libra.
Në gjithë këtë rrëmujë që karakterizon çdo vit nisjen e vitit të ri shkollor, Zamira Gjini, drejtoreshë e arsimit parauniversitar në MAS deklaron se “tekste shkollore do të ketë për të gjithë nxënësit. Ato ndodhen në çdo mjedis si librari apo shkolla, por ka pasur një problem administrativ me pullat e sigurisë”. Sipas saj botuesit do të pajisen deri të enjten deri të enjten me këto pulla.
Pra MAS ka lënë këtë detyrë kaq të rëndësishme ta kryejë vetëm dy ditë para nisjes së vitit shkollor. 13 shtatori duket se do ti gjejë pjesën më të madhe të nxënësve pa libra, përtej premtimeve të ministrisë. /Opinion.al
Lexo edhe: Video/ Një javë nga nisja e shkollës, radhë për tekste
