Deputeti i PDIU-së, Tahir Muhedini i është përgjigjur deputetit Ben Blushi se nuk ka firmosur listën e tij, për të zgjedhur Presidentin nga populli, por e vetmja firmë që ka hedhur është lista e PDIU-së.
“Unë nuk kam firmosur në listën e Ben Blushit për zgjedhjen e Presidentit nga populli, por vetëm në listën e PDIU para 6 muajsh”, ka thënë ai.
Deputeti Blushi është angazhuar në përgatitjen e një amandamenti, bashkë me një grup deputetësh, për të zgjedhur Presidentin nga populli.
Ai ka përgatitur edhe një peticion on-line që Presidenti i Republikës të zgjidhet nga populli, vetëm gjatë ditës së djeshme, e kishin nënshkruar mbi 10 mijë qytetarë.
