Ceremonia e ndarjes së çmimeve MTV Europian Music Awards, u mbajt mbrëmen e shkuar në Sevilje, Spanjë. Ashtu siç pritej festa mblodhi emrat më në zë të muzikës, të cilët nuk ndalën së surpizuari në performanca por dhe rrëmbyen shumë çmime.
Mes tyre ranë në sy jo pak, por pesë artiste me origjinë shqiptare, Dua Lipa, Ava Max, Loredana, dhe Ilira Gashi.
Dua Lipa, hapi mbrëmjen me hitin e saj më të ri “Don’t start now”, ndërsa Ava Max e nominuar për dy çmime arriti të rrëmbejë trofeun e “Best Push”, ndërsa ndezi skenën me këngët e saj “Torn” dhe “Sweet but Psycho”.
Ndërkaq Loredana dhe Ilira Gashi ishin pretendente për çmimin “Best Swiss Act”, por fituese u shpall Loredana.
Bebe Rexha, edhe pse nuk ndodhej e pranishme në ceremoni ishte kandidate për çmimin “Best Collaboration”, për këngën “Call You Mine” në bashkëpunim me The Chainsmokers, por nuk arriti të fitojë pasi u mund nga Rosalia, J Balvin dhe El Guincho me hitin “Con Altura”./Opinion.al
