Që nga vitit 2013, Real Madrid nuk fiton në “Camp Nou”. Asokohe, ekipi i kryesuar nga Jose Mourinho triumfoi në mënyrë të qartë në
Barcelonë, me fitoren 31, në raundin gjysmëfinale të “Copa del Rey”. Kjo fitore shërbeu për të mbërritur në finale të këtij kompeticioni
kombëtar spanjoll, por pastaj “Los Blancos” ranë në gju kundër Atletico Madrid të Diego Simeones. Tani, Real Madridi dëshiron për të
triumfuar në “Camp Nou” tre vjet më vonë, duke vendosur Zidane me të tijtë në fushën e “armikut më vdekjeprurës”.
Tridenti (tredhëmbëshi) BBC vjen në stadiumin e Barcelonës i uritur, duke dashur të arrijë një goditje rrezatuese në “El Classico”, për ta
ndihmuar skuadrën në përballjen më vendimtare (morale) të etapës së fundit të një sezoni shumë të vështirë, duke i “karikuar bateritë” për
pjesën tjetër të garës (jo vetëm në La Liga). Tridenti i bardhë ka shënuar 62 gola në kampionat. Ai udhëhiqet nga Cristiano Ronaldo, i cili,
pavarësisht se është kritikuar në disa seksione të sezonit aktual, vazhdon të mbajë një ritëm imponues prej golashënuesi, me 28 gola, i
ndjekur nga Benzema (20 gola) dhe Bale (14 gola). Uellsianin e kanë dënuar shumë lëndimet, ndaj nuk ka pasur formën optimale.
Megjithatë, të tre bashkë, me pjesën tjetër të skuadrës, do të mundohen të ndalin “revanin” prej 39 ndeshjesh pa humbje të Barcelonës.
Barça nuk ka humbur që nga 3 tetori i vitit të kaluar, kundër Sevillës, dhe shumë nga meritat i marrin Messi, Suarez dhe Neymar. Tridenti
vdekjeprurës i skuadrës katalanase, MSN, ka shënuar 69 gola, javë pas jave, dhe transmeton një ndjenjë superioriteti të parë rrallë në një
kampionat si ai spanjoll, në këtë nivel. Të tre janë të plotësuar, të përkryer, për të udhëhequr klubin katalanas drejt finales së Kupës,
çerekfinaleve të Ligës së Kampioneve dhe prekur titullin kampion në Spanjë. Luis Enrique e njeh rëndësinë e kësaj trioje dhe nuk ka
dyshime në ato që thonë: “Unë guxoj të them se MSN është tridenti më i mirë në histori.”
