Holanda është skuadra e parë çerekfinaliste e Botërorit 2022. Skuadra e drejtuar nga tekniku Luis Van Gal fitoi 3-1 përballë SHBA, duke kaluar kështu në fazën tjetër.
Amerikanët ishin ata që tentuan në minutat e parë të gjenin golin, por holandezët shënuan të parët kur Dumfris pasoi saktësisht për Depaj.
SHBA u përpoq të reagonte por holandezët shënuan golin e dytë. Ishte Blind që dyfishoi shifrat.
Në pjesën e dytë, SHBA u duk më e angazhuar, me golin e Wright, por Dumfries do shënonte golin e tretë për holandezët dhe do vuloste përfundimisht fatet e takimit dhe kualifikimit.
