Jose Mourinho ka qenë i nervozuar me gazetarin në fund të sfidës ku ekipi i tij barazoi brenda në “Old Trafford” për të disatën herë këtë sezon pa arritur të gjejë golin. Manchester United është ndalur nga vendi i shtatë WBA, që vazhdon ecurinë pozitive pasi mundi Arsenal dy javë më parë. Pas ndeshjes, në tunelin e stadiumit, Mourinho u pyet nëse ishte një ndeshje e barabartë, dhe përgjigja e tij ishte tepër e acaruar: “Ti mendon se ishte një ndeshje e barabartë? Më vjen keq që po e them, por ishte një pyetje qesharake.”
“Kur një ekip kalon mesin e fushës vetëm një herë në 90 minuta dhe kur ekipi tjetër është në gjysmëfushën kundërshtare duke u munduar gjatë gjithë kohës të shënojë, ti mendon se kjo mund të quhet një ndeshje e barabartë? David de Gea po flinte gjatë gjithë kohës. Një ekip mbante topin, tjetri jo. Një ekip donte ta fitonte ndeshjen, dhe tjetri donte barazimin. Kemi shumë barazime këtë sezon. Ekipet vijnë këtu vetëm për të mbrojtur. Portierët vijnë këtu për t’u bërë lojtarët e ndeshjes. Krijojmë pa fund, por nuk shënojmë.”
