Kryeministri anglez David Kameron, ka gjetur kohë të bëjë shaka edhe me shkarkimin nga puna të Jose Mourinhos, si trajner i Chelseat.
Në një postim në twitter, Kameron shkruan: “Jam i trishtuar kur mësoj që dikush humbet vendin e punës, por në Britani janë plot 740 mijë vende të lira pune, të cilat mund t’i japin mundësi kujtdo”.
Një batutë që, në fakt, mund të përbëjë edhe një shkak për debate të shumta. Pa llogaritur faktin që vetë Murinjo është i gatshëm të nisë “luftë” ironish në distancë ndaj kujtdo, qoftë edhe kryeministrit të Britanisë.
