Të shumtë janë ata që kanë dëgjuar për atë që po ndodh mes trajnerit të ri të Manchester United, Jose Mourinho dhe lojtarit gjerman të klubit, Bastian Schweinsteiger.
Mourinho nuk e ka përfshirë lojtarin në planet e tij dhe ajo që ka pasuar ka qenë më shumë se një anashkalim i tij.
Disa thonë se është një poshtërim.
Ai e ka urdhëruar të kyçë dollapin e tij tek profesionistët dhe e ka degdisur tek ekipi i të rinjve.
Dhe këtu del në pah çështja e bulizmit, kaq e ndjeshme në botë ditët e sotme.
Ish-lojtari i njohur, Dejan Stefanovic thotë se ajo që po bën Mourinho me lojtarin gjerman, është në fakt bulizëm, raporton mapo.
“Në Slloveni, ndaj tij do ishte ngritur një padi dhe do ishte dënuar me 3 vite burg. Është qartë bulizëm. Ai po e dekurajon Bastian-in, duke dhënë një shembull të keq. Unë do e çoja në gjykatë”.
“Kodi ynë penal është i qartë. Nëse ka bulizëm dhe ngacmim, dënohesh me burg”.
Bulizmi në sport mbetet një problem i madh.
Një nga rastet më flagrantë është ai i futbollistit shqiptar, Sebino Plaku, për të cilin kanë shkruar mediat më të mëdha në botë, përfshi NYTimes.
Klubi polak Slask Wroclaw i paraqiti aitj një kërkesë për reduktimin me 50 përqind të pagës.
Kur ai nuk pranoi, ata vendosën t’ia shkatërronin karrierën.
Ajo që pasoi ishin pesë muaj izolim, poshtërim, abuzim psikologjik dhe intimidim.
