Njerëz të maskuar kanë grabitur dy gra nga Katari dhe shoferin e tyre në një autostradë në Veri të Parisit, duke u rrëmbyer gjëra me vlerë rreth 5 milion euro.
Të hënën në mbrëmje, dy motrat ishin larguar me Bently nga aeroporti Le Bourget, ndërsa po udhëtonin përgjatë autostradës, janë detyruar të dalin jashtë rrugës nga gazi lotsjellës që u është hedhur.
Çdo gjë në automjet: ‘bizhutëritë, rrobat dhe valixhet u janë vjedhur’, tha policia.
‘Le bourget’ e shfaq veten si aeroporti kryesor i Europës për biznes.
Dy vjet më parë, në të njëjtën autostradë, është grabitur edhe një princ saudit.
Kamerat e reja survejuese
Një burim, i cili foli për një televizion francez BFMTV, tha se makina e grabitur e dy grave, ishte e detyruar të ndalojë pranjë një stacioni shërbimi.
Në atë pjesë të autostradës ku dhe grabitja ka ndodhur, duket favorizuese për kriminelët që synojnë makinat luksoze apo të pasur, për shkak të trafikut që krijohet përgjatë gjithë segmentit rrugor.
Në prillin e vitit të shkuar, një koleksionueseje aziatike objektesh me vlere, iu grabiten bizhuteri në shumën e 4 mln eurove. Kjo ndodhi pasi 3 grabitesit arriten të futen në taksinë ku koleksionuesja ishte.
Në gushtin e vitit 2014, disa persona te armatosur sulmuan me armë një kolonë makinash të një princi saudit. Pas sulmit me armë, keqbërësit arritën të vjedhin 250 mijë euro nga kolona e makinave të shtrejnta që po shkonte drejt aeroportit “LeBourget”.
Muajin e shkuar, ylli i reality shoë-t, Kim Kardashian pasi u lidh nga persona të maskuar, asaj iu vodhën bizhuteri me vlere 6 milionë euro në apartamentin e saj në zemër të Parisit.
Në fillim të këtij muajit qeveria franceze premtoi se do të shtonte fondet në lidhje me masat e sigurisë dhe kamerat e sigurisë në zonat e nxehta të targetuara nga hajdutët e luksit.
