Tradhëtia me ish-të dashurin e Khloe Kardashian, Tristan Thompson, po i kushton shtrenjtë Jordyn Woodsit, dikur mikeshë e ngushtë e familjes Kardashian/Jenner.
TMZ raporton se 21-vjeçarja nuk do të jetë më pjesë e biznesit të familjes Kardashian, pasi është përjashtuar njëherë e mirë prej tyre dhe sipas burimeve nuk ka kthim pas. Kohët e fundit ajo kishte bashkëpunuar për disa produkte make-upi me shoqen e ngushtë Kylie Jenner, produkte që tani po shiten me gjysmë çmimi dhe nuk do të jenë më në treg sapo sasia e tyre të ketë mbaruar.
Por kjo nuk është e gjitha, faqja e Jordyn në portalin e markës së Khloe-s, “Good American”, tashmë është zhdukur. 21-vjeçarja kishte profilin e saj personal në faqen e “Good American”, me misionin për të fuqizuar femrat që janë të bëshme për të krijuar vetëbesim te format e trupit të tyre.
Kujtojmë se Khloe Kardashian e ka ndihmuar Jordyn Woods të ndërtonte një karrierë të suksesshme në modeling duke reklamuar xhinset e markës së saj. Familja Kardashian/Jenner financonte Jordyn prej vitesh, pasi ajo jetonte me motrat e famshme, udhëtonte me to, dhe përfshihej në projektet e tyre. Por duket se gabimi i saj, i ka hequr tani çdo mundësi për jetën përrallore të dikurshme, pasi sipas TMZ, Khloe është e vendosur ta shkatërrojë karrierën e saj. /E.M
